Fredagsmoro

I dag er det både fredag og 198 år sidan Ivar Aasen vart fødd. Med andre ord er det på sin plass med litt fredagshumring, som vonleg lèt seg katalysera av eit par småsnodige mobilkamerabilete. Det fyrste er frå førre fredag, og viser kor sterkt campingmentaliteten står hjå norske offentlege etatar. Det andre er bidraget mitt til den tilsynelatande evigvarande «Kelner! Det er ein Jesus i maten min!»-bylgja. Vel unt.

Politiet campar på Plata

Dei som klagar på at politiet er dårleg utstyrt, kan tydelegvis ta seg ein bolle. Og om dei ikkje har, så kanskje dei kan banka på politiet si campingvagn og spørja om å få? Biletet er frå Jarnbanetorjå i Oslo førre fredag.

Jesus i steikjepanna

Jammen dukka ikkje Jesus sjølv opp i steikjepanna då eg laga spegelegg mot slutten av fjoråret. Rett nok såg han ut til å lida så smått av dykkarsykje, men anna er vel ikkje ventande etter 2000 år under heilt andre lufttrykkstilhøve høgt til vêrs.

Dette innlegget vart lagt inn i kvardag med merkelappane , , . Bokmerk fastlenkja.

Legg att eit svar

Epostadressa di blir ikkje synleg. Påkravde felt er merka *

Opphavsfeil: Vebjørn Sture. Alle varmrettar må reserverast.
Denne sida køyrer Wordpress. Sjølv plar eg sykla.